Georgina Rodríguez postoi një seri me foto nga vera e vitit 2020 shoqëruar me një mbishkrim, postim që u kritikua jo pak nga njerëzit.

“Duke kujtuar atë pasdite vere kur shkruam të blinim varkën tonë. Dhe disa foto të asaj vere magjike #2020,” shkroi ajo.

Në galerinë me foto, shfaqet familja e tyre në varkë duke shijuar pushimet dhe, ndër të tjera, koleksioni i Georgina-s me çanta luksoze.

View this post on Instagram

A post shared by Georgina Rodríguez (@georginagio)

Menjëherë pas publikimit, të shumtë qenë njerëzit që kritikuan postimin e saj. Në një pjesë të mirë të komenteve, ndjekësit e kritikojnë për “mburrjen me stilin e jetesës.”

“Sikur ke thënë që nuk je materialiste,” shkroi dikush. “Sa shumë ndryshojnë njerëzit kur nga të varfër bëhen kaq të pasur,” lexohet në një tjetër koment. “Do të ishte mirë që ta shfrytëzoje famën për diçka më të mirë,” thotë një i radhës.

Megjithatë, pati dhe njerëz të tjerë që i konsideruan komentet kritikuese si “ziliqare” dhe “negative”.