Jason Momoa dhe Lisa Bonet ruajnë ende shumë marrdhënie të mira me njëri tjetrin pse nuk kanë shumë qe janë divorcuar.

Një burim tha për PEOPLE se Momoa, 43 vjeç, dhe Bonet, 55 vjeç, “kanë qëndruar afër njëri tjetrit” që kur ata njoftuan së bashku ndarjen e tyre janarin e kaluar.

“Ata janë shumë miq”, thotë burimi për PEOPLE. “Ata kalojnë kohë së bashku kur Jason është në Los Anxhelos. Jason është i dobishëm dhe shpesh bënte gjëra nëpër shtëpi kur jetonin së bashku.”

“Ai e ndihmon akoma Lizën tani”, vazhdon burimi, duke shtuar se ish-çifti “po kalojnë një pjesë të pushimeve së bashku me fëmijët”.

Momoa dhe Bonet, të cilët u takuan në vitin 2005 dhe u martuan në tetor 2017 , dhe janë prindër të dy fëmijë: vajzën 15-vjeçare Lola dhe djalin 13-vjeçar Nakoa-Wolf.

Ish-çifti kanë qenë bashkë për 16 vite dhe u divorcuan pas 5 viteve martesë.

Në nëntor, Momoa la një koment të thjeshtë në përgjigje të postimit të ditëlindjes së Lenny Kravitz në Instagram për Bonet, me të cilin këngëtarja ishte martuar më parë nga viti 1987 deri në 1993.

Kujtiojmë se në janar çifti bëri një deklaratë të përbashkët: “Ne të gjithë kemi ndjerë shtrëngimin dhe ndryshimet e këtyre kohërave transformuese… Një revolucion po shpaloset dhe familja jonë nuk bën përjashtim… ndjenja dhe rritje nga ndryshimet sizmike që po ndodhin. Dhe kështu ne ndajmë lajmin se po i japim fund martesës tonë”- thuhej fillimisht në deklaratë.

“Ne e ndajmë këtë jo sepse mendojmë se është e vlefshme për lajme, por në mënyrë që ndërsa vazhdojmë jetën tonë, ta bëjmë këtë me dinjitet dhe ndershmëri,” vazhduan ata. “Dashuria mes nesh vazhdon, evoluon në mënyra që dëshiron të njihet dhe të jetohet. Ne i japim lirinë njëri-tjetrit që të jemi ata që po mësojmë të bëhemi…”

Deklarata përfundonte: “Përkushtimi ynë i palëkundur ndaj kësaj jete të shenjtë, fëmijëve tanë. T’u mësojmë fëmijëve tanë atë që është e mundur. Të jetojmë lutjen. Mbizotëroftë Dashuria✨ J & L.”