Vizita e DaBaby-t në Kosovë, për të performuar në një nga club-et e njohura të natës atje më 11 korrik ishte një surprizë për të gjithë. E ndërsa fansat e tij mund ta kaneë shijuar shumë praninë e reperit të famshëm, mesa duket ai vetë nuk po i shijon edhe aq ditët pas koncertit, për shkak se i ka ndodhur një e papritur. 

Bëhet fjalë për një nga aksesorët e tij më të shtrenjtë, njërin prej vathëve, i cili i ka humbur me shumë gjasë pikërisht gjatë mbrëmjes në Prishtinë. Ju ndoshta mund të thoni me vete "S'ka pse të mërzitet kaq për një vath". Ndoshta edhe ka, pasi kushton jo pak, por 83 mijë dollarë. Të paktën kështu thotë DaBaby. Sic mund ta shihni bëhet fjalë për një vath diamanti. Ndërkohë, është po ashtu e mundur që aksesori i tij t'i ketë humbur edhe gjatë pjesës tjetër së vizitës në Europë, pasi me anë të një statusi në Twiiter, reperi pyet nëse dikush në Paris, Greqi apo Kosovë e ka parë vathin e tij.