Në këtë sezon të “Përputhen”, autorja Olsa Muhameti ka zgjedhur të rikthejë në fron dy ish protagonistë, Anën dhe Mevlanin, të cilët nuk arritën të finalizonin dashuritë e tyre.

Ky rikthim ishte një mundësi e re për të tentuar sërish në ri-gjetjen e dashurisë.

Nga burime të brendshme, ka qenë edhe Atdheu i cili ka kërkuar një rikthim në këtë program, kërkesë kjo e cila nuk është miratuar nga autorja.

Sipas informacioneve të fundit, Atdheu nuk është dorëzuar dhe këtë herë ka vendosur të komunikojë me produksionin e “Love Story 2”, program i cili udhëhiqet nga Vera Grabocka dhe Alketa Veisiu.

Shumë shpejt Atdheun do ta shohim pjesë të këtij programi bashkë me dy konkurrentët e tjerë të “Love Story 2” Kristin dhe Xhonin.

Dëshira për të qenë sërish pjesë e ekranit e ka bërë Atdheun të trokasë në dyert e televizionit konkurrent.

Nuk e dimë nëse një vendim i tillë ka sjellë pakënaqësi në stafin drejtues të këtij produksioni, duke qenë se Atdheu është figurë e evidentuar nga “Përputhen”.