Kim Kardashian dhe Pete Davidson po vazhdojnë të shijojnë lidhjen e dashurisë.

Në vikend dyshja u fotografuan së bashku në vendlindjen e Davidson, Staten Island, ku dyshja panë filmin më të fundit të Marvel- it për Spider-Man, “Spider-Man: No Way Home”.

Scott Disick gjithashtu iu bashkua dyshes në dalje.
Kim ishte veshur si gjithmonë me tone të errëta ndërsa Davidson kishte veshur një xhaketë të gjelbër të hapur dhe një çantë shpine.

Kardashian West u lidh për herë të parë në mënyrë romantike me Davidson në tetor, kur dyshja u pa duke u mbajtur për dore në fermën e frikshme Knott në Buena Park, Kaliforni.

Një tjetër burim i tha kohët e fundit për People se Davidson “nuk i ka takuar ende fëmijët e saj“.

Kim dhe Kanye janë prindër të katër fëmijëve.

Ajo dhe reperi u martuan në maj të 2014, por Kardashian West bëri kërkesë për divorc në shkurt të këtij viti.