Teksa pak orë na ndajnë nga ndërrimi i viteve, një kilogram peshë e gjallë e pulës apo gjelit të detit ka prekur shifrën 1800 lekë. 

Në tregun e Fierit, qytetarë të ndryshëm enden duke parë, por pa pasur mundësi ta blejnë me këtë çmim.

9000 lekë i kërkoi shitësja këtij blerësi për 5 kg pulë deti, një shumë e konsiderueshme për kaq pak sasi, pohojnë qytetarët. Blerësit thonë se çmimet janë shumë të shtrenjta dhe duhet kontroll për të ndëshkuar abuzuesit.

Këtë vit çmimet e produkteve ushqimore janë rritur ndjeshëm, por gjatë ditëve të fundit të vitit ka pasur edhe abuzime dhe shtrenjtime përtej normave.