VIDEO/ Spanja shkëlqen ndaj Austrisë, kualifikohet në 1/8-at e Botërorit

Spanja ka siguruar me autoritet kualifikimin në fazën e 1/8-ve të Kampionatit Botëror, pasi mposhti Austrinë me rezultatin bindës 3-0 në ndeshjen e vlefshme për 1/16-at.

Skuadra e drejtuar nga Luis de la Fuente dominoi sfidën nga minuta e parë, duke mos i lënë shumë hapësira kundërshtarit. Goli i parë erdhi në minutën e 36-të, kur Mikel Oyarzabal shfrytëzoi një asist të Marc Cucurellas dhe dërgoi topin në rrjetë për 1-0.

Në pjesën e dytë, Spanja vazhdoi të kontrollonte ritmin e lojës dhe gjeti edhe golin e dytë në minutën e 66-të.

Alex Baena dhuroi një krosim perfekt për Pedro Porron, i cili me kokë realizoi pa vështirësi për 2-0.

Kur gjithçka po shkonte drejt fundit, Oyarzabal vulosi suksesin e iberikëve me golin e tij të dytë personal në minutën e 89-të.

Sulmuesi spanjoll përfitoi nga një tjetër asist i Cucurellas dhe mposhti portierin Alexander Schlager për rezultatin përfundimtar 3-0.

Edhe pse Austria provoi të reagojë me aktivizimin e Marko Arnautovic dhe Sasa Kalajdzic, skuadra e Ralf Rangnick krijoi pak raste konkrete dhe nuk arriti të rrezikojë seriozisht portën spanjolle.

Me këtë fitore të pastër dhe një paraqitje bindëse në të gjitha repartet, Spanja konfirmon statusin e një prej favoriteve të turneut dhe avancon me meritë në fazën e 1/8-ve, ndërsa aventura e Austrisë në Botëror mbyllet në raundin e 1/16-ve.

GOLAT

https://streamin.link/v/7515a5af

https://streamin.link/v/840a929b

https://streamin.link/v/7515a5af