40 të plagosur në një përplasje midis dy autobusëve në jug të Republikës Çeke

Në një përplasje ballore midis dy autobusëve pranë qytetit Znojmo në jug të Republikës Çeke këtë mëngjes, 40 persona u plagosën, nëntë prej të cilëve morën lëndime të rënda.

Shërbimi i shpëtimit njoftoi se përplasja ballore midis dy autobusëve rajonalë ndodhi për arsye të panjohura, në mot me diell, në një rrugë të thatë midis Znojmos dhe Brnos.

"Në vendin e aksidentit, ne trajtuam 30 persona me lëndime të lehta, nëntë prej të cilëve pësuan lëndime të mesme dhe të rënda. Shërbimi i shpëtimit aktivizoi të ashtuquajturin plan traumatik dhe informoi spitalet se po sillnin një numër më të madh të të lënduarve", tha Mihaela Botova, zëdhënësja e ambulancës lokale.

Austria fqinje ofroi menjëherë ndihmë, por ekipet e shpëtimit çekë dhe shërbimet e emergjencës vlerësuan se 13 ekipe të shërbimeve çeke të pajisura me helikopterë ishin të mjaftueshme.

Policia ka nisur një hetim dhe ende nuk ka një version të saktë për shkaqet e mundshme të aksidentit.