Të paktën 15 persona kanë humbur jetën pas një zjarri të fuqishëm që përfshiu një qendër arsimore në qytetin Lucknow, në veri të Indisë.
Sipas autoriteteve lokale, shumica e viktimave ishin studentë që ndodheshin brenda qendrës së trajnimit në momentin kur shpërtheu zjarri.
Rreth 21 persona raportohet se ishin të pranishëm në godinë, ndërsa dy prej tyre kanë mbetur të plagosur rëndë dhe katër të tjerë ndodhen në gjendje të qëndrueshme.Pamje të rënda nga vendngjarja tregojnë studentë që përpiqen të shpëtojnë duke dalë nga ndërtesa, ndërsa ekipet e emergjencës ndërhynë për evakuimin dhe shuarjen e flakëve.
Qendra ku ndodhi zjarri ofronte trajnime për studentët në fushën e krijimit të animacionit, bëri të ditur zëvendëskryeministri i shtetit, Brajesh Pathak.Autoritetet kanë nisur hetimet për të përcaktuar shkaqet e zjarrit, ndërsa vijojnë verifikimet për kushtet e sigurisë në ndërtesë. Tragjedia ka shkaktuar reagime të shumta në Indi, ku incidente të ngjashme në godina arsimore kanë ngritur më herët shqetësime për masat e sigurisë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kanadaja do të blejë sistem radarësh australianë për të forcuar mbrojtjen e Arktikut
Kina nis hetime mbi rrezikun e mundshëm kimik në pelena
Spanjë/ Ish-aleati i mikut të Ramës dënohet me 24 vjet burg për korrupsion