Vijon takimet me liderët botërorë, presidenti kinez pritet të vizitojë Korenë e Veriut

Presidenti kinez Xi Jinping pritet të vizitojë Korenë e Veriut javën e ardhshme. Një nga burimet e Yonhap tha se një ekip zyrtarësh të sigurisë dhe protokollit presidencial kishte udhëtuar së fundmi në Phenian.

Vizita e Xi besohet të zhvillohet në fund të muajit ose në fillim të qershorit. I njëjti burim tha se ky vlerësim mbështetet nga vizita e Ministrit të Jashtëm kinez Wang Yi në Phenian muajin e kaluar, si dhe nga udhëtimet e fundit të anëtarëve të sigurisë personale dhe zyrtarëve të protokollit të Xi në kryeqytetin e Koresë së Veriut.

Gjatë takimit të tij me Wang Yi, udhëheqësi i Koresë së Veriut Kim Jong Un shprehu qëllimin e tij për të forcuar shkëmbimet e nivelit të lartë dhe komunikimin strategjik me Pekinin.

Ai gjithashtu iu referua vizitës së tij në Kinë vitin e kaluar, duke nënvizuar rëndësinë e marrëdhënieve dypalëshe. Këtë vit, të dy vendet festojnë 65 vjet nga nënshkrimi i traktatit të tyre gjithëpërfshirës të bashkëpunimit.