Zgjidhet kryetari i ri i parlamentit irakian

Parlamenti i Irakut zgjodhi sot Nizar Amidi-n, një zyrtar nga njëra prej dy partive kryesore kurde të vendit, si kryetarin e ri të parlamentit, pesë muaj pasi zgjedhjet parlamentare dështuan të krijonin një bllok me shumicë të qartë.

Iraku po rimëkëmbet nga pasojat e luftës SHBA-Izrael kundër Iranit, e cila ndikoi edhe në infrastrukturën irakiane , siç janë bazat ushtarake dhe objektet diplomatike.

Ekonomia irakiane u prek gjithashtu nga lufta, duke pasur parasysh se mbyllja e Ngushticës së Hormuzit ndaloi eksportin e naftës, nga e cila Bagdadi varet kryesisht.

Amidi është anëtar i politbyrosë së Unionit Patriotik të Kurdistanit dhe ai mundi një grup kandidatësh në zgjedhje, përfshirë Ministrin aktual të Jashtëm Irakian Fuad Hussein, i cili u zgjodh nga Partia Demokratike e Kurdistanit rivale.

Sipas konventës, presidenti i Irakut është gjithmonë kurd, ndërsa kryeministri është shiit dhe kryetari i parlamentit është sunit.Votimi presidencial u mbajt më shumë se dy muaj pas afatit kushtetues, i cili kërkon që një udhëheqës i ri të zgjidhet brenda 30 ditëve nga seanca e parë e parlamentit të sapozgjedhur.

Asnjë kandidat nuk siguroi shumicën e kërkuar prej dy të tretash në raundin e parë të votimit të së shtunës, megjithëse Amidi ishte shumë përpara 15 kandidatëve të tjerë, duke fituar 208 vota në raundin e parë, ndërsa një kandidat tjetër - Mutana Amin Nader, një parlamentar nga blloku i Unionit Islamik të Kurdistanit - mori 17 vota.

Amidi fitoi 227 vota në raundin e dytë, ndërsa Nader mori 15 vota.

Sipas kushtetutës irakiane, presidenti ka 15 ditë kohë për të emëruar kandidatin e bllokut më të madh parlamentar për të formuar një qeveri dhe për të marrë detyrën e kryeministrit.Blloku dominues, Korniza e Koordinimit Shiit, një koalicion partish aleate me Iranin, njoftoi në janar se do të emëronte ish-kryeministrin irakian Nouri al-Maliki, pavarësisht kundërshtimit nga Uashingtoni.

Blloku tani do të duhet të vendosë nëse do të vazhdojë me emërimin e al-Malikit apo do të zgjedhë një kandidat tjetër.

Kryeministri aktual në detyrë, Mohammed Shia al-Sudani, ishte rivali kryesor i al-Malikit për nominimin përpara se të jepte dorëheqjen për t’i hapur rrugën atij.