FOTOT/ Rikthimi historik i Artemis II në Tokë, çfarë ndodh tani me astronautët

NASA ka publikuar imazhe nga rikthimi historik në Tokë i ekuipazhit të misionit Artemis II, duke dokumentuar çdo fazë të uljes së kapsulës Orion.

Fotot tregojnë momentet kyçe, që nga hapja e parashutave të modulit gjatë zbritjes, deri te dalja e astronautëve dhe ecja e tyre në kuvertën e anijes USS John P. Murtha, ku iu nënshtruan kontrolleve të para mjekësore.

Ndërkohë, ende nuk ka reagime publike nga vetë astronautët që prej largimit nga kapsula Orion, dhe sipas zyrtarëve, kjo mund të zgjasë edhe për disa kohë. Qëndrimi në hapësirë konsiderohet fizikisht i lodhshëm, ndaj katër anëtarët e ekuipazhit do t’i nënshtrohen një sërë ekzaminimesh mjekësore.

Pas kësaj faze, prioritet do të jetë ribashkimi i tyre me familjet. Sipas NASA, astronautët pritet të rikthehen në Qendrën e Kontrollit të Misioneve në Houston gjatë ditës së shtunë (me orën lokale).

Në axhendën e tyre janë gjithashtu një vizitë në Shtëpinë e Bardhë, si dhe përfshirja në misione të tjera të ardhshme drejt Hënës./BBC-Syri.Net