Caine: SHBA, gati të rifillojnë luftimet me 'të njëjtën shpejtësi dhe saktësi' nëse armëpushimi s’zbatohet

Kryetari i Shtabit të Përbashkët të Forcave Ajrore, gjenerali Dan Caine, tha se ushtria amerikane është gati të rifillojë luftimet me "të njëjtën shpejtësi dhe saktësi siç kemi demonstruar gjatë 38 ditëve të fundit", nëse Irani nuk i përmbahet kushteve të marrëveshjes së armëpushimit të Presidentit Donald Trump.

"Gjatë 38 ditëve të operacionit të madh luftarak, Forca e Përbashkët arriti objektivat ushtarake të përcaktuara nga presidenti. Ne e mirëpresim armëpushimin në vazhdim dhe, siç tha Sekretari [i Luftës Pete Hegseth], shpresojmë që Irani të zgjedhë një paqe të qëndrueshme", tha Caine në Pentagon.

“Le të jemi të qartë. Një armëpushim është një pauzë dhe forca e përbashkët mbetet e gatshme nëse urdhërohet ose thirret për të rifilluar operacionet luftarake me të njëjtën shpejtësi dhe saktësi siç kemi demonstruar gjatë 38 ditëve të fundit. Dhe shpresojmë që të mos jetë kështu”, shtoi Caine.

Presidenti Donald Trump ra dakord për një armëpushim dyjavor me Iranin të martën. Ky veprim erdhi pas bisedimeve me kryeministrin pakistanez Shehbaz Sharif, i cili i kërkoi Trump të shtyjë çdo veprim të mëtejshëm ushtarak të SHBA-së, ndërsa të dyja palët vazhdojnë të negociojnë./ Fox News