Armëpushimi i përkohshëm SHBA-Iran, Hezbollahu ndalon sulmet ndaj Izraelit

Hezbollahu i Libanit ndaloi të shtënat ndaj Izraelit verior dhe ndaj trupave izraelite në Liban në orët e para të së mërkurës, si pjesë e armëpushimit SHBA-Iran të njoftuar më parë, thanë për Reuters tre burime libaneze pranë grupit.

Izraeli ka vazhduar sulmet e tij në Libanin jugor dhe ka lëshuar një urdhër të ri evakuimi për një qytet jugor, duke treguar se do të sulmojë atje së shpejti, pasi kryeministri Benjamin Netanyahu tha se armëpushimi dyjavor Iran-SHBA nuk do të përfshijë Libanin.

Hezbollahu i mbështetur nga Irani pritet të lëshojë një deklaratë ku të përcaktojë qëndrimin e tij zyrtar mbi armëpushimin dhe mbi pohimin e Netanyahut se Libani nuk është i përfshirë, thonë tre burimet libaneze.

Sakaq, IDF u bën thirrje përsëri civilëve libanezë në qytetin bregdetar jugor të Tiros që të evakuohen.

Ndërkohë, mediat libaneze raportojnë disa sulme izraelite në Libanin jugor këtë mëngjes.

“Paralajmërim urgjent për banorët e qytetit të Tyre, konkretisht në Shabriha… duhet të evakuoheni menjëherë nga shtëpitë tuaja”, thotë zëdhënësi i ushtrisë, kolonel Avichay Adraee, në X, duke bashkëngjitur një hartë që tregon një ndërtesë që do të jetë në shënjestër.

I gjithë qyteti është tashmë nën një urdhër evakuimi të përgjithshëm që mbulon të gjithë Libanin jugor, dhe IDF ka urdhëruar vazhdimisht banorët e tij të largohen javët e fundit./ Times of Israel.