Ultimatumi i Trump për Iranin, reagon edhe Italia: Shpresojmë në një zgjidhje të negociuar të krizës

Qeveria italiane vazhdon të ndjekë me vëmendje të madhe zhvillimin e krizës në Lindjen e Mesme dhe rrezikun e një përshkallëzimi të mëtejshëm ushtarak që mund të përfshijë të gjithë territorin iranian, pa dallim midis objektivave strategjike, ushtarake dhe civile.

Italia rithekson dënimin e saj të vendosur dhe të prerë ndaj sjelljeve destabilizuese të regjimit të Teheranit: nga sulmet me raketa që kërcënojnë sigurinë e vendeve të Gjirit, te kërcënimet e përsëritura që synojnë të dëmtojnë lirinë e lundrimit në Ngushticën e Hormuzit një arterie jetike për ekonominë globale, deri te shtypja sistematike dhe brutale e popullit të vet.

Megjithatë, është thelbësore të bëhet një dallim i qartë midis përgjegjësive të një regjimi dhe fatit të miliona qytetarëve të zakonshëm. Popullsia civile iraniane nuk mund dhe nuk duhet të paguajë çmimin e gabimeve të udhëheqësve të saj.

Qeveria italiane ndan qëndrimin e shprehur tashmë nga institucionet e Bashkimit Evropian mbi nevojën për të ruajtur integritetin e infrastrukturave civile, si edhe sigurinë e popullsisë iraniane, dhe shpreson që së shpejti të arrihet një zgjidhje e negociuar e krizës./A.Kepi