Kryeministri i Polonisë paralajmëron për përshkallëzim në Lindjen e Mesme

Kryeministri i Polonisë, Donald Tusk, ka paralajmëruar se situata në Lindjen e Mesme mund të përkeqësohet në ditët në vijim.

Duke folur për gazetarët, Tusk u shpreh se, bazuar në informacionet e siguruara nga aleatët, nuk pritet një stabilizim i shpejtë i situatës.

“Kam arsye të besoj, bazuar edhe në informacionin që kemi marrë nga aleatët tanë, se stabilizimi nuk ka gjasa të ndodhë në ditët në vijim. Përkundrazi, mund të ndodhë një përshkallëzim i ri”, deklaroi ai.