Irani: Bllokimi i anijeve ‘armike’ përmes Ngushticës së Hormuzit është një e drejtë ligjore

Ministri i Jashtëm i Iranit, Abbas Araghchi, i ka thënë Sekretarit të Përgjithshëm të OKB-së, Antonio Guterres, se parandalimi i anijeve të lidhura me “armikun dhe aleatët e tij” përmes Ngushticës së Hormuzit është e drejtë ligjore e Iranit.

Kjo vjen ndërsa çmimi i naftës u rrit përsëri mbi 100 dollarë për fuçi të enjten.

Çmimi kishte rënë nën shifra treshifrore në fillim të kësaj jave pasi presidenti amerikan, Donald Trump foli për mundësinë e një marrëveshjeje të mundshme paqeje me Iranin, por mohimi i Teheranit për çdo bisedime të tilla duket se e ka rritur përsëri çmimin.

Të enjten, Izraeli pretendoi se kishte vrarë komandantin e marinës së Gardës Revolucionare Iraniane, Alireza Tangsiri, që mendohet të jetë zyrtari kyç që mbikëqyr mbylljen e ngushticës.

Kontrolli i Ngushticës së Hormuzit nga Irani, një nga rrugët kryesore të botës për transportin e naftës, ka shkaktuar rritje të çmimeve të energjisë që nga fillimi i konfliktit në Lindjen e Mesme.