Autoritetet izraelite kanë bërë të ditur se po hetojnë se si një raketë iraniane arriti të depërtojë sistemet e mbrojtjes ajrore dhe të godasë qytetin jugor të Dimona, duke lënë të paktën 47 persona të plagosur.
Megjithatë, ajo që duket e qartë është arsyeja pse Irani kishte në shënjestër këtë zonë.
Rreth 13 kilometra larg Dimonës ndodhet një objekt që prej kohësh besohet gjerësisht se strehon arsenalin e padeklaruar bërthamor të Izraeli. Zyrtarisht, ky kompleks thuhet se përdoret vetëm për kërkime shkencore. Por për rreth gjashtë dekada, ka qenë një ‘sekret i hapur’ se aty është zhvilluar arma bërthamore e Izraelit, edhe pse çdo qeveri ka mbajtur një qëndrim të paqartë mbi këtë çështje.
Kjo ka bërë që Izraeli të jetë fuqia e vetme bërthamore në Lindjen e Mesme. Për këtë arsye, çdo sinjal se ky objekt mund të jetë në shënjestër merret me seriozitet maksimal nga autoritetet izraelite.
Nga ana tjetër, Irani ka konfirmuar se ky ishte objektivi i sulmit, duke deklaruar se goditja ndaj Dimonës erdhi si përgjigje ndaj një sulmi të mëparshëm nga Shtetet e Bashkuara dhe Izraeli ndaj objektit të tij bërthamor në Natanz.
Si Izraeli ashtu edhe SHBA kanë theksuar se eliminimi i çdo kapaciteti të mundshëm të Iranit për të zhvilluar armë bërthamore është qëllimi kryesor i këtij konflikti.
BREAKING: Iranian missile hits apartment buildings in Dimona, Israel pic.twitter.com/bJCiQbnjyV
— BNO News Live (@BNODesk) March 21, 2026
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Spanja përballet me zjarrin më të madh të vitit, digjen 12 mijë hektarë në Zaragoza
‘Qeveria nuk na dëgjon’/ Shpërthejnë protestat kundër Zelensky-t, Edi Rama i del në mbrojtje
Stuhitë shkaktojnë përmbytje dhe ndërprerje të qarkullimit në Zvicër, ndërsa moti i keq pritet të vazhdojë