Ligjvënësja franceze Sandrine Josso ka deklaruar se shpreson që “e vërteta” të dalë në dritë nga gjyqi i ish-senatorit Joël Guerriau, i akuzuar se e drogoi me qëllim sulmin seksual ndaj saj, një përvojë që ajo e përshkroi si jashtëzakonisht traumatike.
Sipas Josso-s, Guerriau i shërbeu një gotë shampanjë të përzier me MDMA (ekstazi) në apartamentin e tij në Paris në nëntor 2023. Ish-senatori, i cili dha dorëheqjen tetorin e kaluar, ka pranuar se pija ishte e droguar, por pretendon se bëhej fjalë për një aksident.
Gjyqi, i nisur këtë javë, ka rikthyer vëmendjen publike në Francë mbi sulmet seksuale të lehtësuara nga droga. Prokuroria ka kërkuar dënimin e Guerriau-t, 68 vjeç, me tre vjet burg dhe një vit me kusht për drogimin e Josso-s “me qëllim seksual”.
Josso, 50 vjeçe, dëshmoi se ndjeu menjëherë rrahje të forta zemre dhe humbje kontrolli pasi piu disa gllënjka shampanjë, duke shtuar se u pushtua nga frika se mund të përdhunohej.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kriza/ Politikania e Putinit bën thirrje për krijimin e kampeve të punës për fëmijët
Hamas shqyrton drejtimin kolektiv pas eliminimit të komandantëve nga Izraeli
Zelensky konfirmon sulmet gjatë natës në Rusi/ Goditën një bazë ushtarake dhe një magazinë nafte