Përmes përdorimit të mediave sociale, Kirk arriti të depërtojë te një grupmoshë që politikanët republikanë zakonisht e kanë të vështirë ta tërheqin, thotë korrespondentja e BBC për dezinformimin, Marianna Spring.

Ai tërhoqi shumë vëmendje, si dikush që ishte i gatshëm të dilte jashtë "dhomës së jehonës" dhe të debatonte me njerëz që nuk ishin dakord me të.

Megjithëse nuk ishte politikan i zgjedhur, ai është cilësuar si një figurë kyçe për fitoren e dytë presidenciale të Donald Trump, nga persona të përfshirë në fushatë, si Donald Trump Jr.

Ashtu si në jetë, edhe vdekja e Kirk ka ndezur një debat të gjerë, thotë Caitríona Perry, prezantuese kryesore në BBC World News America.

Republikanët dhe Demokratët po drejtojnë gishtin ndaj njëri-tjetrit, secila palë fajëson retorikën e tjetrës për vrasjen fatale të Kirk, thotë Perry. Janë zbuluar më shumë detaje që nga arrestimi i të dyshuarit Tyler Robinson, por ende nuk kemi një konfirmim zyrtar për motivin e të shtënave./BBC