Sulmet e fundit ruse në Ukrainë/ Reagojnë udhëheqësit e BE-së: Kremlini po tall sërish diplomacinë!

Përfaqësuesit më të lartë të BE-së dënuan sulmet e fundit ruse me raketa dhe dronë ndaj Ukrainës, duke i parë ato si provë të mungesës së gatishmërisë së udhëheqësit të Kremlinit, Vladimir Putin, për të negociuar.

 "Edhe një herë, Kremlini po tall diplomacinë, duke shkelur ligjin ndërkombëtar dhe duke vrarë pa dallim", shkroi Presidentja e Komisionit të BE-së, Ursula von der Leyen, në një deklaratë.

'Evropa qëndron dhe do të vazhdojë të qëndrojë plotësisht në mbështetje të Ukrainës. Ne po përforcojmë forcat e armatosura të Ukrainës, po ndërtojmë garanci të qëndrueshme sigurie dhe po shtrëngojmë sanksionet për të rritur presionin mbi Rusinë. Vrasjet duhet të marrin fund', thuhet në deklaratë.

Last night, Russia launched one of the largest drone and missile strikes on Ukraine, targeting government buildings and civilian homes alike.

Once again, the Kremlin is mocking diplomacy, trampling international law and killing indiscriminately.

Europe stands, and will continue…

— Ursula von der Leyen (@vonderleyen) September 7, 2025

Të dy përfaqësuesit e BE-së gjithashtu vunë në dukje planifikimin e vazhdueshëm gjatë fundjavës për një paketë të 19-të sanksionesh. Këto pritet të kulmojnë me një propozim për akte ligjore në ditët në vijim, të cilat më pas do të duhet të miratohen nga qeveritë e shteteve anëtare./ Der Standard.