Ishte zhdukur prej një muaji në plazhin grek, gruaja britanike gjendet e vdekur pas një muaji

Gruaja britanike 59 vjeçare, që ishte zhdukur në Kavala u gjet pas më shumë se një muaj e vdekur: Fatkeqësisht, e prisja, thotë burri i saj

U gjet në Fidonisi, rreth 40 kilometra larg bregdetit ku u panë për herë të fundit.

Michel Ann Joy Bourda, 59 vjeç, e cila u zhduk në gusht të këtij viti ndërsa bashkëshorti i saj, Chris, po flinte në plazhin Ofryni në Kavala, ku ishin me pushime, u gjet e vdekur. 
59 vjeçarja e cila vuante nga probleme psikologjike, kishte lënë sendet e saj personale në shezlong dhe u zhduk pa lënë gjurmë. Chris Bourda tha se sapo u zgjua, filloi të kërkonte gruan e tij, por ajo nuk u gjet gjëkundi.

Kur kontaktoi autoritetet, shprehu shqetësimin e tij për shkak të problemeve mendore të gruas së tij.

Sot, Chris Bourda tha se policia më në fund e ka gjetur trupin e gruas së tij në dekompozim të avancuar, pas më shumë se një muaj pasi ajo u zhduk. Trupi u gjet në Fidonisi , rreth 40 km larg bregdetit ku ata u panë për herë të fundit. 

"Ata e gjetën trupin e saj . Fatkeqësisht, e prisja këtë ", tha Chris Bourda, ndërsa akuzoi gjithashtu rojen bregdetare për një përgjigje të vonuar ndaj hetimit. "Ata thanë se nuk kishte prova se ajo ishte mbytur, se nuk kishte trup, se po ndiqte dikë tjetër. Por unë e dija që nuk ishte kështu. Ajo nuk do të kishte ikur pa paratë, syzet apo ilaçet e saj", tha ai.

"Nesër në mëngjes do të shkoj në Komotini për identifikim, por dua të theksoj se kam ngritur tashmë një ankesë kundër policisë dhe rojes bregdetare sepse ata ishin kriminalisht të ngadaltë në trajtimin e zhdukjes së gruas sime. Hetimet e tyre ishin shumë të ngadalta, humbi kohë e çmuar dhe gruaja ime mund të kishte qenë gjallë", tha burri i gruas britanike për protothema.gr.

"Fatkeqësisht, rashë në gjumë në diell dhe kur u zgjova menjëherë kuptova se diçka nuk shkonte. "Nuk e dija çfarë kishte ndodhur atëherë, por e dija që diçka kishte shkuar keq", shtoi ai, ndërsa theksoi se nuk është i sigurt nëse gruaja e tij u përpoq qëllimisht të dëmtonte veten.