BILD

Meteorit? Satelit? Raketë? Apo ndonjë fenomen krejt tjetër? Një vijë e çuditshme drite që qëndroi për disa minuta në qiell të hënën në mbrëmje shkaktoi habi në Europë dhe në disa pjesë të Gjermanisë. Çfarë fshihet pas kësaj?

Shumë njerëz bënë foto të vijës së pazakontë të dritës dhe i shpërndanë në internet. Edhe në rrjetin “Centrali i Kërkimeve për Fenomene të Jashtëzakonshme Qiellore (CENAP)” u dërguan shumë raportime. CENAP është një bashkim privat dhe një qendër kombëtare për raportimin e fenomeneve qiellore.

Sipas bashkëthemeluesit të CENAP-it, Hansjürgen Köhler (69 vjeç), ai pranoi deri në 60 raportime, që shtriheshin nga Rheinland-Pfalz e deri në Austri. “Qendra jonë për raportimet e UFO-ve mori rreth orës 23:00 njoftimet e para për një ‘vijë të ndritshme drite’, e cila lëvizte ngadalë, por në mënyrë të vazhdueshme, nga jugperëndimi në verilindje”.

Eksperti i tha më tej BILD-it: “Së pari mendova se ishte një satelit Starlink”. Por kur pa fotot e para, kuptoi që diçka nuk shkonte. Bishti ishte thjesht shumë i rregullt.

“Tani e dimë me siguri se çfarë ishte,” tha Köhler të martën në mëngjes për BILD. “Disa orë më parë ishte nisur një raketë kineze Long-March-8A nga qendra hapësinore Wenchang në ishullin Hainan. Pas rrotullimit të parë rreth Tokës, shtylla e parë u nda nga shtylla e dytë. Gjatë kësaj ndarje, u lëshua karburanti: kjo gjurmë u ndriçua nga dielli që ndodhej ulët dhe shkaktoi fenomenin”.

Gjithashtu, sipas Köhler, në ditët dhe javët në vijim do të shihen herë pas here fenomene drite në qiellin e natës në Gjermani, për shkak të nisjeve të satelitëve Starlink të Elon Musk.

Në nëntor, adhuruesit e yjeve do të gëzohen për një fenomen natyror: kometa Atlas do të afrohet kaq shumë me Tokën sa do të jetë e dukshme.