Presidenti i Ukrainës, Volodymyr Zelensky, deklaroi të premten se vendi i tij është i gatshëm të zhvillojë një samit me Rusinë, në përpjekje për të çuar përpara procesin e paqes mes dy vendeve.

Deklarata e Zelenskyt erdhi pas komenteve të presidentit rus Vladimir Putin, i cili tha se shpreson që bisedimet për paqe midis Rusisë dhe Ukrainës të rifillojnë së shpejti dhe se ekipet negociatore do të jenë në gjendje të diskutojnë për kompromise të mundshme.

Megjithatë, Putin theksoi se objektivat strategjikë të Moskës mbeten të pandryshuara.