Tërmeti në Rusi: Cunami në Paqësor, i gjashti më i fuqishëm në histori

Tërmeti i fuqishëm pranë bregut të Rusisë është i barabartë me të gjashtin më të fuqishëm të regjistruar ndonjëherë, konfirmon FOX Weather.

Valët e cunamit kanë arritur në Hawaii, shteti i 50-të i SHBA-së, duke filluar rreth orës 2:00 të mëngjesit me orën lindore (ET) të mërkurën. Valët kanë udhëtuar për rreth 6 orë nga epiqendra e tërmetit deri në Ishujt Hawaii dhe pritet që intensiteti i tyre të ulet gradualisht gjatë ditës.

Valët më të larta të regjistruara deri tani përfshijnë:

5.7 këmbë (rreth 1.7 metra) në Kahului, Hawaii

4.9 këmbë në Hilo, Hawaii

4 këmbë në Haleiwa, Hawaii

3 këmbë në Hanalei, Hawaii

Në Bregun Perëndimor të SHBA-së, valët e cunamit u regjistruan rreth orës 3:50 të mëngjesit ET. Qendra e Paralajmërimeve për Cunami në Paqësor pret ndikime të vogla në bregun e Kalifornisë së Jugut dhe shtetit Uashington, duke vendosur këto zona nën paralajmërim cunami.

Përjashtim bën Bregu i Veriut të Kalifornisë dhe Bregu i Jugut të Oregonit, veçanërisht zona pranë Crescent City, Kaliforni, ku parashikohen valë me lartësi deri në 4-5 këmbë (1.2-1.5 metra). Kjo ka shtyrë autoritetet të lëshojnë paralajmërim për cunami në këtë rajon. Ndikimi i valëve pritet të ulet gjatë ditës./FOXNEWS

🚨🌊 WATCH: Tsunami hits Severo-Kurilsk coast

📹 Social media users are sharing videos showing tsunami waves striking the coastal zone of Severo-Kurilsk, Russia, after a powerful earthquake off the Kamchatka coast. https://t.co/KGjkah43Xe pic.twitter.com/i8wa2FdKYi

— Sputnik (@SputnikInt) July 30, 2025