Teksa tërmeti me magnitudë 8.8 ballë godiste pranë Gadishullit Kamchatka të Rusisë, duke bërë të lëshohet një alarm për cunami, një mjek në sallën e operacionit nuk e ndaloi ndërhyrjen kirurgjikale ndaj një pacienti që po e operonte.

Në videon që qarkullon në media dhe rrjetet sociale shihet doktori, i cili pavarësisht lëkundjeve dhe fuqisë goditëse të magnitudës prej 8.8 ballë, vijoi qetësisht operacionin ndaj pacientit përpara se të përfundonte ndërhyrjen kirurgjikale.

Ministri I Shëndetësisë së Gadishullit Kamchatka në Rusi, tha se pacienti ndodhej jashtë rrezikut për jetën, ndërsa përgëzoi mjekët në sallën e operacionit për ruajtjen e qetësisë dhe që qëndruan me të deri në përfundim të procedurës së ndërhyrjes kirurgjikale.

Agjencia meteorologjike e Japonisë tha se tërmeti ndodhi në orën 8:25 të mëngjesit sipas orës lokale të mërkurën dhe regjistroi një magnitudë 8.8 dhe se tërmeti ndodhi në një thellësi prej 13 miljesh.

Më 4 nëntor 1952, një tërmet me magnitudë 9.0 në Kamchatka shkaktoi dëme, por nuk u raportuan viktima, pavarësisht se shkaktoi valë 9.1 metrash në Hawaii.