Një urë e madhe në Baltimore u shkatërrua dhe u shemb pasi një anije me kontejnerë u përplas te ajo në orë e para së të martës, duke bërë që disa automjete të binin poshtë në lumë.

Anija duket se ka goditur një nga mbështetësit e urës Francis Scott Key, duke bërë që ura të copëtohet në disa vende dhe të fundoset në ujë, sipas një video të postuar në X. 

Ekipet e shpëtimit tani janë duke kërkuar njerëzit në ujë.

"Kjo është një emergjencë e tmerrshme," tha për Associated Press, Kevin Cartëright, drejtor i komunikimit për Departamentin e Zjarrfikësve në Baltimore. “Fokusi ynë tani është të përpiqemi t'i shpëtojmë dhe rikuperojmë këta njerëz.

Ai shtoi se disa ngarkesa dukej se vareshin nga ura.

Shërbimet e urgjencës po kërkonin për të paktën shtatë persona që besohej se kishin rënë në ujë, tha Cartëright, megjithëse ai tha se është shumë herët për të ditur se sa njerëz u prekën.

Ura, e cila u hap në 1977, përshkon lumin Patapsco, një arterie jetike që së bashku me Portin e Baltimores është një qendër për transportin detar në Bregun Lindor. Ajo e ka marrë emrin sipas shkrimtarit të "The Star-Spangled Banner".

Cartërigh tha se agjencitë morën 911 telefonata rreth orës 1:30 të mëngjesit duke raportuar se një anije që po dilte nga Baltimore kishte goditur një kolonë të urës. Disa automjete ishin mbi urë në atë kohë, duke përfshirë një me madhësinë e një kamioni traktor-rimorkio.

Kryebashkiaku Brandon M. Scott dhe ekzekutivi i qarkut Baltimore, Johnny Olszeëski Jr., postuan lajmet se personeli i urgjencës ishte në vendin e ngjarjes dhe se përpjekjet për shpëtimit ishin në zhvillim.

Shefi i departamentit të zjarrfikësve tha se skanimet e sonarit kishin zbuluar praninë e automjeteve të zhytura, por nuk mund ta thoshte numrin e makinave të përfshira.

Operacioni i shpëtimit po rëndohet nga errësira dhe kushtet e temperaturës së ujit, shtoi shefi i zjarrfikësve.

"Informacioni i fundit që kemi për ekuipazhin e anijes është se ata janë ende në bordin e anijes," tha Wallace, duke shtuar se agjentët e shpëtimit duhet së pari të bëjnë një vlerësim të dëmtimit të anijes përpara se të jenë në gjendje të hipin. I pyetur nëse anija po vuante ndonjë dëmtim teknik, ai tha, "Ne nuk e kemi atë informacion."

"Nuk ka absolutisht asnjë tregues se ka pasur ndonjë terrorizëm, se kjo është bërë me qëllim," tha një zëdhënës i policisë së Baltimores gjatë konferencës të martën. "Nuk ka absolutisht asnjë tregues se kjo ishte e qëllimshme."