Media ruse njoftoi se janë arrestuar katër persona të përfshirë në sulmin në Moskë, njofton BBC.

“Katër persona të përfshirë në sulmin në sallën e koncerteve në Moskë janë në mesin e 11 të arrestuarve” tha shefi i Shërbimit të Sigurisë së FSB të presidentit Vladimir Putin, sipas agjencive ruse të lajmeve.

Gazeta ruse Baza raporton se 4 nga 6 sulmuesit, përgjegjës për sulmin e mbrëmshëm në Moskë, janë identifikuar. Ata janë të gjithë shtetas të Taxhikistanit.

Dushanbe në kontakt me Moskën për përfshirjen e dyshuarr të qytetarëve taxhikë në sulmin terrorist

Dushanbe është në kontakt me Moskën për përfshirjen e dyshuar të shtetasve taxhikë në një sulm terrorist në bashkinë Crocus në Rusi tha një zëdhënës i Ministrisë së Jashtme të Taxhikistanit për TASS. “Autoritetet e Taxhikistanit janë në kontakt të ngushtë me kolegët e tyre rusë lidhur me përfshirjen e supozuar të qytetarëve të vendit në sulmin terrorist të 22 marsit në Bashkinë Crocus në Rajonin e Moskës”, tha ai.

Në foto: Armët e dyshuara se janë përdorur në sulm

Komiteti Hetues i Rusisë ka shpërndarë fotografi që tregojnë se municione dhe armë që besohet se janë përdorur në sulmin e mbrëmshëm.