Vendet e BE-së kanë rënë dakord ditën e sotme të japin 5 miliardë euro si ndihmë ushtarake për Ukrainën.

Të dërguarit nga 27 vendet anëtare të BE-së ranë dakord për rishikimin e fondit të Mjetit Evropian të Paqes në një takim në Bruksel pas disa muajsh pa akord.

Fondi funksionon si një skemë gjigante e kthimit të parave, duke u dhënë anëtarëve të BE-së rimbursime për dërgimin e municioneve në vende të tjera.

Pas vendimit, ministri i jashtëm i Ukrainës Dmytro Kuleba tha se ndihma ishte “një tjetër demonstrim i fuqishëm dhe në kohë i unitetit dhe vendosmërisë evropiane në arritjen e fitores sonë të përbashkët”.