Ministria e Shëndetësisë në Gaza thotë se 22,185 palestinezë janë vrarë tani në Gaza që nga 7 tetori.

Ndërkohë, sulmet ajrore dhe tokësore po vazhdojnë, duke përfshirë edhe Gazën jugore, ku qindra mijëra njerëz janë zhvendosur, shkruan Al Jazeera.

Rreth dy të tretat e të vrarëve në bombardimet e Izraelit në Gaza janë gra dhe fëmijë, sipas ministrisë së shëndetësisë.

Izraeli filloi fushatën pas sulmit të Hamasit në Izraelin jugor, që vrau rreth 1,140 vetë dhe mori peng rreth 240.

207 palestinezë janë vrarë në 15 sulme izraelite gjatë 24 orëve të fundit, tha ministria e shëndetësisë. Raportohet gjithashtu se 338 persona u plagosën.

Hani Mahmoud i Al Jazeera, duke raportuar nga Khan Younis në jug, tha se kishte “bombardime intensive” në rajonet qendrore dhe jugore mbrëmë dhe në orët e hershme të mëngjesit të së martës.