BBC-Yolande Knell

Forcat izraelite thonë se po vazhdojnë të ndërmarrin veprime "agresive" kundër Hamasit dhe grupeve të tjera të armatosura në Khan Younis në jug të Rripit të Gazës.

Në videot e shpërndara në mediat sociale gjatë natës, zhurmat e forta të shpërthimeve mund të dëgjohen pranë Khan Younis, me sa duket nga sulmet dhe granatimet izraelite.

Dje, dëshmitarët në Gazën jugore thanë se tanket dhe automjetet e blinduara izraelite mund të shiheshin duke iu afruar qytetit nga lindja.

Ushtria izraelite tha se rruga kryesore që të çon në veri tani përbën "një fushë beteje".

Me përhapjen e luftës, palestinezët dhe agjencitë e ndihmës paralajmërojnë se njerëzit nuk kanë më vende për tu strehuar.

Një zyrtar lokal i OKB-së tha se ishte e mundur që do të shpalosej një skenar ferri, skenar në të cilin operacionet humanitare mund të mos jenë në gjendje të përgjigjen.

Ndërsa rreth 100 kamionë me ndihma kanë hyrë në Gaza përmes kalimit Rafah në secilën prej dy ditëve të fundit, dërgesat në të gjithë territorin po pengohen nga luftimet e vazhdueshme.

Mbrëmë, firma kryesore palestineze e telekomunikacionit tha se të gjitha shërbimet telefonike dhe të internetit u ndërprenë edhe një herë.