Gjigandi farmaceutik Pfizer ka përshkallëzuar konfliktin e tij me shtetin e Polonisë për dozat vaksinës ndaj Covid-19 që ishin porositur nga kompania sipas një kontrate të madhe me Bashkimin Evropian.

Kompania po padit vendin për atë që pretendon se është një kontratë e paplotësuar për vaksinat ndaj virusit.

Varshava u bllokua për të blerë dhjetëra miliona doza sipas një kontrate të diskutueshme që Komisioni Evropian kishte nënshkruar me Pfizer në 2021 në emër të kombeve të BE-së. Pfizer tanimë kërkon 1.5 miliardë dollarë si kompensim për 60 milionë doza që qeveria e Polonisë refuzoi të merrte, pasi ndaloi dhënien e vaksinave në prill 2022.

I gjithë blloku përfundoi duke porositur 1.1 miliardë doza sipas kontratës, duke ngarkuar shtetet e BE-së me një tepricë vaksinash ndërsa pandemia Covid-19 u zbeh.

Zyra e prokurorit të BE-së ka njoftuar tashmë një hetim mbi procesin e prokurimit mes akuzave për korrupsion dhe marrëveshje të fshehta në prapaskenë, ndërsa ministrja polake e Shëndetësisë ka paralajmëruar se shtetet e tjera të BE-së mund të përballen me ndjekje penale gjithashtu.