Shtetet e Bashkuara do të ofrojnë armë dhe pajisje shtesë për Ukrainën për luftën e saj të vazhdueshme kundër pushtimit rus, tha në një deklaratë të premten Sekretari amerikan i Shtetit, Antony Blinken.

Armët që do t’i dorëzohen ukrainasve kapin vlerën e 125 milionë dollarëve, të autorizuara sipas “tërheqjeve” të lejuara më parë për Ukrainën, vjen në mes të ndihmës tjetër të pritshme të mbrojtjes për Kievin që mund të përfshijë rreth 300 milionë dollarë municione me laser për të rrëzuar dronët rusë.

Departamenti i Shtetit deklaroi se Departamenti i Mbrojtjes do të bënte gjithashtu një njoftim të veçantë, raporton reuters.

Dërgimi më i fundit i armëve është bërë i mundur duke përdorur Autoritetin Presidencial të tërheqjes, i cili autorizon presidentin amerikan, Joe Biden të transferojë artikuj dhe shërbime të tepërta nga stoqet e SHBA-së pa miratimin e Kongresit amerikan.

Biden, një demokrat, po u bën thirrje ligjvënësve amerikanë të miratojnë më shumë ndihma për Kievin, por Dhoma e Përfaqësuesve e udhëhequr nga republikanët këtë javë miratoi vetëm ndihmën për Izraelin për luftën kundër Hamasit.

Rusia ka nisur pushtimin e pajustifikueshëm të shtetit ukrainas më 24 shkurt të vitit të kaluar duke shkaktuar mijëra viktima dhe dëme të shumta materiale.