Daniel Levy, president i Projektit të SHBA/Lindjes së Mesme dhe ish-negociator izraelit, foli për ‘mungesën’ e lidershipit izraelit dhe braktisjen e mesazhit universal “kurrë më”.

Levy komentoi lidershipin aktual izraelit duke thënë se atyre ju ‘mungon’ dhe kanë braktisur postulatet tradicionale hebreje.

“Unë nuk e di se si mund të ketë një braktisje të tillë të asaj që unë e kuptoj se janë mesazhe universale: kurrë më”, pohoi ai.

Ish-diplomati shtoi se ajo që po bëjnë autoritetet izraelite janë veprime shumë të rrezikshme për vetë hebrenjtë.

“Nëse nuk i kuptoni vuajtjet dhe dhimbjet e dikujt tjetër, jeni në një pozicion shumë të rrezikshëm sepse po i mohoni dikujt tjetër njohjen e sakrificës suaj”, theksoi Levy.

Ai tha se instrumentalizimi i vuajtjeve hebreje nuk është gjë e mirë dhe se ka pasoja.

“Instrumentalizimi i tij dhe mbështjellja me petkun universal të viktimizimit nuk është gjëja e duhur dhe nuk sjell asgjë të mirë”, tha Levy.

Këtë javë, ushtria izraelite zgjeroi sulmet ajrore dhe tokësore në Rripin e Gazës, i cili ka qenë nën sulme të pamëshirshme ajrore që kur grupi palestinez Hamas filloi një sulm ndaj Izraelit më 7 tetor.

Numri i të vdekurve nga sulmet e vazhdueshme izraelite në Gaza është rritur në 8,525, duke përfshirë 3,542 fëmijë dhe 2,187 gra, njoftoi Ministria palestineze e Shëndetësisë.

Ndërkohë, më shumë se 1,538 izraelitë u vranë në konflikt. Kryeministri izraelit, Benjamin Netanyahu hodhi poshtë thirrjet në rritje për një armëpushim, duke thënë se kjo do të ishte një “dorëzim” ndaj Hamasit.

Daniel Levy, president of the US/Middle East project and former Israeli negotiator of the Oslo Accords, spoke about the absence of Jewish leadership and their abandonment of the Jewish ethic of a universal message of “never again” on Monday at a panel discussion hosted by ICJP. pic.twitter.com/I9LwfYV4Db

— Middle East Eye (@MiddleEastEye) November 1, 2023