Sipas të dhënave të raportuara nga lufta midis Izraelit dhe Hamasit, fëmijët zënë një përqindje shumë të lartë të viktimave në Gaza.

Ministria palestineze e Shëndetësisë, në raportet e saj thekson se rreth 2,900 fëmijë u vranë në enklavë midis 7 dhe 24 tetor. Kjo përbën rreth 40% të numrit të përgjithshëm të vdekjeve prej më shumë se 7,000

Megjithëse ka disa shqetësime se numri mund të jetë i fryrë – ministria e shëndetësisë drejtohet nga Hamasi dhe presidenti Joe Biden tha se ai “nuk e ka idenë nëse palestinezët po thonë të vërtetën për sa njerëz janë vrarë” – vlerësimet e ministrisë kanë qenë gjerësisht të sakta.

Në konfliktet e mëparshme, në Ukrainë, një konflikt midis dy fuqive shumë më të mëdha, fëmijët përbëjnë më pak se 550 nga afërsisht 9800 viktima civile për një periudhë shumë më të gjatë.

Numri i madh i vdekjeve të fëmijëve në Gaza pasqyron, ndër të tjera, demografinë e saj veçanërisht rinore. Rreth gjysma e popullsisë së territoreve palestineze është më e re se 20 vjeç, një përqindje shumë më e lartë se mesatarja e vendeve të tjera me të ardhura të mesme të larta si Iraku, Namibia dhe Tajlanda.

Baza e një shoqërie rinore është një shkallë e lartë e fertilitetit, numri i fëmijëve që një grua do të ketë gjatë jetës së saj. Shkalla në territoret palestineze, duke përfshirë Gazën (popullsia totale 2 milion) dhe Bregun Perëndimor (3 milion), ishte 3.4 në vitin 2021, sipas Divizionit të Popullsisë së OKB-së . Nga viti 2017 deri në vitin 2019, Byroja Qendrore Palestineze e Statistikave e vendosi atë në 3.8.

Të dhënat e detajuara mbi Gazën dhe Bregun Perëndimor janë të vështira për t’u arritur. Por, sipas Divizionit të Popullsisë, lindshmëria e Gazës ishte 3.9 gjatë asaj periudhe. Këto norma janë shumë më të larta se ato të Izraelit, Jordanisë apo Egjiptit fqinj dhe të krahasueshme me ato të Gana-s apo Kongos, të dyja vende shumë më të varfra.

Një shkallë kaq e lartë e lindshmërisë zakonisht lidhet me jetëgjatësi të shkurtër, varfëri dhe nivele të ulëta të arsimimit të femrave. Territoret palestineze nuk i kanë këto karakteristika. Të ardhurat mesatare për person në territore janë 4600 dollarë në vit, më e lartë se në Egjipt dhe Jordani. (Shifra për Gazën mendohet të jetë dukshëm më e ulët.) Më shumë vajza sesa djem janë regjistruar në arsimin e mesëm. Territoret palestineze janë të pazakonta në kombinimin e fertilitetit të vendeve të varfra me karakteristikat sociale me të ardhura të mesme të larta.

Duket e mundshme që konflikti i gjatë me Izraelin dhe ndikimi i Hamasit (i cili drejton Gazën, por jo Bregun Perëndimor) është pjesërisht përgjegjës.

Yasser Arafat, ish-presidenti i Autoritetit Palestinez, dikur tha se njerëzit e tij po zhvillonin “një luftë djepash”: rritja e popullsisë ishte një mënyrë për të afirmuar identitetin dhe këmbënguljen palestineze.

Retorika pro-natale e Hamasit ka qenë veçanërisht e zhurmshme. Pasi mori kontrollin e Gazës në vitin 2007, ajo u përpoq të ruante shkallën e lartë të lindshmërisë së brezit; e cila ishte 5.8 nga 1999 deri në 2003, një nga më të lartat kudo

Që atëherë, fertiliteti ka rënë, siç ka rënë pothuajse kudo. Në vitin 2015 Gaza kishte rreth dy të tretat e popullsisë së Bregut Perëndimor, qendrës historike të Palestinës. Me ritmet aktuale, do të jetë gati t’i japë Gazës një zë më të madh në debatin mbi çdo shtet të ardhshëm palestinez./The Econimist