Izrael - Vajza e Yocheved Lifschitz, një prej dy pengjeve të liruara mbrëmë, ka vizituar nënën e saj në spital në Izrael dhe i tha BBC-së nëna e saj "duket mirë".

"Infermieret thjesht kanë bërë një bisedë, ato thonë se ajo është shumë e mprehtë dhe është shumë e prirur të japë informacion, t'ua kalojë informacionin familjeve të pengjeve të tjera me të cilët ishte."

Sharone Lifschitz foli ndërsa nëna e saj flinte, duke i thënë prezantuesit të BBC Radio 4 Today, Mishal Husain se: “Kam mbetur pa fjalë.  U ula pranë saj për rreth një orë dhe pastaj dolëm dhe vëllai im qëndroi. Të gjithë janë shumë të lodhur. Ajo ka kaluar shumë."

Sharone shtoi: "Të shoh mamanë time përsëri është një gjë e pabesueshme. T'i kapësh dorën, thjesht t'i puthësh fytyrën dhe faqen e saj, dhe unë jam shumë krenare për të, kjo është e mahnitshme."

Sharone përmend pamjet video nga lirimi i nënës së saj që duket se e tregojnë atë duke e mbajtur për pak dorën e një prej pengmarrësve.

"Mënyra se si ajo u largua dhe më pas u kthye dhe i tha faleminderit ishte mjaft e pabesueshme për mua. E tillë ëshët ajo. Unë jam thjesht duke pritur që të kaloj pak kohë me të."

Ajo shton: "Ka ende mbi 200 njerëz atje dhe ne nuk duhet të kapemi vetëm në lumturinë tonë personale, por të punojmë për lirimin e të gjithëve".

Sharone Lifschitz thotë se lirimi i nënës së saj është "një rreze e vogël drite, por ka gjithashtu një errësirë të madhe, lufta është ende duke vazhduar".

Ajo thotë se familja nuk e ka në plan për t'i treguar nënës së saj se çfarë ka ndodhur.

"Ne nuk kemi një plan, mendoj se asnjë familje nuk ka një plan për atë që ndodhi. "Ne thjesht po jetojmë ditën."

Për momentin, përparësia e familjes dhe e mamasë së saj është të nxjerrin pjesën tjetër të pengjeve, thotë Sharone, e cila ndodhet në Londër.

“Ajo ishte ulur me njerëz që i njihte gjatë gjithë jetës së saj dhe njerëz që ishin fëmijët dhe nipërit e shoqeve të saj. Ajo dëshiron të transmetojë informacionin, ajo dëshiron të punojë për t'i dërguar ata në shtëpi, jam i sigurt."

"Babi është ende i zhdukur dhe mamaja nuk e di se ku është"