Forcat ukrainase kanë rrëzuar një helikopter rus Mi-8 të dielën dhe pamjet e publikuara në rrjetet sociale thuhet se tregojnë pamjet e reja nga ushtria ukrainase.

Dhe këto pamje vijnë ndërsa përparimet ruse në qytetin Avdiivka të vijës së parë të mbajtur nga Kievi duket se po ngadalësohen.

Sipas mediave të huaja, përcjell Telegrafi, Mi-8 rus u rrëzua nga Brigada e 25-të e Veçantë Ajrore e Ukrainës, tha gjeneralkoloneli Oleksandr Syrskyi, i cili drejton forcat tokësore të Ukrainës, në një postim në Telegram të dielën.

Në një video të shpërndarë nga Syrskyi, mund të shihet një automjet i djegur, me tymin që del nga vendi ku supozohet se është helikopteri i goditur.

Newsweek thotë nuk mund të verifikojë në mënyrë të pavarur detajet e pamjeve, duke përfshirë kohën dhe vendin ku janë filmuar ato.

Rusia ka humbur të paktën 22 helikopterë Mi-8 që kur pushtoi Ukrainën në shkurt të vitit 2022, sipas agjencisë holandeze të inteligjencës me burim të hapur, Oryx.

Megjithatë, ky numër nuk përditësohet më nga fundi i shtatorit dhe përfshin vetëm humbjet e verifikuara vizualisht, që do të thotë se shifra e vërtetë ka të ngjarë të jetë më e lart.

Ukraine’s Armed Forces have shot down a russian Mi-8 helicopter. This is what will happen to every piece of russian equipment on our land. Glory to Ukraine!

Video: Oleksandr Syrskyi pic.twitter.com/tmQjSil5NA

— Kira Rudik (@kiraincongress) October 16, 2023