55 marinarë kinezë mendohet se kanë humbur jetën pasi nëndetësja e tyre bërthamore ra në një kurth që kinezët e kishin ngritur kundër nëndetëseve amerikane dhe britanike në Detin e Verdhë.
Lajmin e bën të ditur gazeta e njohur britanike, Daily Mail.
Ajo i referohet një raporti sekret të inteligjencës britanike.
Në mesin e viktimave të nëndetëses ‘093-417’ është edhe kapiteni dhe 21 oficerë.
Zyrtarisht, Kina e ka mohuar incidentin. Po ashtu Pekini ka refuzuar të kërkojë ndihmë ndërkombëtare për ngjarjen.
Por në një raport të inteligjencës britanike thuhet se incidenti ka ndodhur më 21 gusht në Detin e Verdhë.
Inteligjenca thekson se nëndetësja goditi një zinxhir dhe një pengesë ankorimi që përdoret nga marina kineze për të ngecur në kurth nëndetëset amerikane.
© SYRI.net