Udhëheqësi i Koresë së Veriut Kim Jong Un ka mbajtur një ceremoni për të prezantuar një nëndetëse të re, për të cilën Pheniani pretendon se mund të mbajë armë bërthamore.

Një nëndetëse e sulmit bërthamor ka qenë prej kohësh në listën e armëve që Koreja e Veriut dëshiron të ndërtojë.

Në fotografitë e publikuara nga media shtetërore, Kim është duke qëndruar në një kantier detar, i rrethuar nga oficerë të marinës dhe nën hijen e një nëndetëseje të madhe të zezë, e cila sipas raportit është e aftë të lëshojë armë bërthamore.

Z. Kim ka punuar për të zhvilluar këtë nëndetëse për shumë vite dhe ajo shihet si një pjesë thelbësore e programit të tij të armëve bërthamore.

Nëndetëset janë të vështira për t'u zbuluar nën ujë, që do të thotë se pasja e një të tille mund ta lejojë Phenianin të godasë armiqtë e tij nga deti, pasi armët e tij tokësore të jenë shkatërruar në një sulm.

Por nuk dihet nëse kjo nëndetëse është funksionale, shkruan BBC. Koreja e Veriut ende nuk ka demonstruar se mund të lëshojë me sukses raketa me aftësi bërthamore./ar.sh/SYRI.NET