Gjykata më e lartë administrative e Francës vendosi të enjten se ndalimi në shkolla i veshjeve tradicionale të veshura nga disa gra myslimane, ishte i ligjshëm.

Këshilli i Shtetit, gjykata më e lartë e Francës për ankesat kundër autoriteteve qeveritare, tha se kishte refuzuar një mocion nga një shoqatë mbi një urdhër kundër ndalimit të dekretuar nga qeveria muajin e kaluar, duke thënë se ai nuk ishte diskriminues ndaj myslimanëve.

Qeveria e Presidentit Emmanuel Macron njoftoi muajin e kaluar se po i ndalonte mantelet fetare në shkolla, duke thënë se ato shkelin rregullat mbi sekularizmin në arsim, ku tashmë janë ndaluar shamitë myslimane të mbulimit të kokës me arsyetimin se ato përbëjnë një shfaqje të përkatësisë fetare.

Por një shoqatë që përfaqëson muslimanët paraqiti një mocion në Këshillin e Shtetit, gjykatën më të lartë të Francës për ankim kundër autoriteteve shtetërore për një urdhër kundër ndalimi të manteleve të gjata si për burrat dhe për gratë.

Shoqata argumentoi se ndalimi ishte diskriminues dhe mund të nxiste urrejtje kundër myslimanëve, si dhe profilizimin racor./ar.sh/SYRI.NET