Biznesmeni turk Ali Sambanci , pronar i Pegasus Airlines dhe kryetar i bordit të drejtorëve të Esas Holding , dhe gruaja e tij, Vuslat Dogan Sambanci, u plagosën rëndë në një aksident me skaf, i cili u përplas në shkëmbinj midis Leipsiç dhe Leros.
Sipas informacioneve, çifti po shkonte me fëmijët e tyre nga Lipsi në një restorant në Leros kur ka ndodhur aksidenti.
Skafi drejtohej nga vetë biznesmeni turk në kohën kur ndodhi ngjarja.
Sipas faqes turke Sozcu, dy fëmijët e tyre, Sevket Emrekan dhe Kaan Ali u hodhën në det pak para aksidentit dhe nuk u lënduan.
Çifti u dërgua fillimisht në spitalin e Leros, ku biznesmeni iu nënshtrua dy operacioneve dhe më pas, për shkak të gjendjes së rëndë, është nisur drejt një spitali privat në Stamboll.
Në deklaratën me shkrim të bërë nga kompania e tij, Esas Holding shkruhej:
"Kryetari i Bordit të Esas Holding Ali Sabancı dhe gruaja e tij Vuslat Doğan Sabancı pësuan një aksident në det gjatë pushimeve të tyre më 24 gusht 2023. Trajtimi i tyre vazhdon dhe gjendja e tyre shëndetësore po ndiqet. Publiku do informohu për zhvillimet.”
© SYRI.net