Një i dyshuar për vrasje në Florida, i cili u shfaq tri herë në më të kërkuarit e Amerikës, u arrestua pas gati katër dekadash në arrati. 65-vjeçari Donald Santini, dyshohet se përdori 13 pseudonime për t’iu shmangur arrestimit për vrasjen e një gruaje 33-vjeçare nga Florida në vitin 1984, thanë autoritetet.

Santini ishte personi i fundit që u pa me të më 6 qershor 1984 përpara se detektivët të zbulonin trupin e saj, të mbytur dhe të lënë në një kanal.

“Arrestimi i Donald Santinit mbyll një çështje të gjatë të ftohtë dhe siguron drejtësi për viktimën dhe familjen e saj pas gati katër dekadash pritjeje,” tha Sherifi Chad Chronister i Hillsborough County, në një deklaratë.

Autoritetet thanë se ai u identifikua si i dyshuar menjëherë pas vrasjes dhe ai u largua menjëherë nga Hillsborough County.

Ai po shërbente si president i një bordi lokal të ujit në Kaliforni në kohën e arrestimit. Santini u ekstradua në Florida ku përballet me akuzën e vrasjes.