Ka nisur ndërtimi i tunelit më të madh nënujor, i cili do të lidhë Danimarkën me Gjermaninë nga viti 2029.

Tuneli Fehmarnbelt do të jetë 18 kilometra i gjatë dhe do ta shkurtojë udhëtimin mes dy vendeve për 130 kilometra, transmeton Biznisinfo.

Kalimi do të përbëhet nga pjesë të tunelit që do të zhyten në Detin Baltik, domethënë nuk do të ketë shpime nën shtratin e detit. Lidhja midis ishullit gjerman të Fehmarn dhe ishullit danez të Lolland do të jetë tuneli më i gjatë i kombinuar rrugor dhe hekurudhor në botë.

Këta dy ishuj tani janë të lidhur me një traget ose bypass.

Kur të përfundojë tuneli, udhëtimi me tren nga Kopenhaga në Hamburg do të zgjasë dy orë e gjysmë, në vend të katër orëve e gjysmë të tanishëm.

Kalimi i tunelit do të zgjasë shtatë minuta me tren dhe dhjetë minuta me makinë. Për ndërtimin e tij nevojiten rreth tre mijë persona dhe buxheti është rreth shtatë miliardë euro.

Punimet përgatitore kanë nisur në vitin 2020 nga pala daneze dhe në vitin 2021 nga pala gjermane. Ndërtimi aktual i tunelit do të fillojë këtë vit.