Një i dyshuar është arrestuar në Japoni pasi katër persona u vranë në një sulm me armë zjarri dhe me thikë, përfshirë edhe dy oficerë policie.
Policia tha se arrestoi një burrë të premten, i cili ishte fshehur në shtëpinë e babait të tij i armatosur me një pushkë dhe një thikë pasi dyshohet se vrau katër persona, përfshirë dy oficerë policie, në Japoninë qendrore.
TV Asahi e shfaqi burrin me duar në kokë duke dalë nga shtëpia dhe duke u drejtuar drejt një automjeti policie.
Masanori Aoki, një fermer, u arrestua nga policia nën një urdhër gjykate me dyshimin për vrasje në Nakano, një qytet në prefekturën Nagano.
Policia tha më herët se dy oficerë u qëlluan nga i dyshuari kur arritën në vendin e ngjarjes pasi morën një thirrje urgjente ku thuhej se një grua ishte therur me thikë. Oficerët me sa duket ishin pa jelek antiplumb.
Gruaja dhe dy oficerët e policisë u shpallën të vdekur në spital. Një grua e moshuar, e cila u plagos, por nuk mundi të shpëtohej sepse ishte pranë të dyshuarit, u gjet e vdekur herët të premten, tha policia.
© SYRI.net