Bernard Arnault, njeriu më i pasur në botë, humbi 11.2 miliardë dollarë nga pasuria e tij brenda një dite, për shkak të rënies së çmimit të aksioneve të kompanive luksoze evropiane. Aksionet e LVMH ranë me 5 për qind në Paris, mes një rënieje më të gjerë që fshiu rreth 30 miliardë dollarë nga sektori i luksit evropian.

Edhe me humbjet, miliarderi francez ende ka një vlerë neto prej 191.6 miliardë dollarësh, sipas Indeksit të Miliarderëve të Bloomberg.

Ai ka shtuar 29.5 miliardë dollarë deri më tani këtë vit. Kjo rënie e papritur, siç shpjegojnë ekspertët, vjen për shkak të uljes së kërkesës për mallrat e luksit në një ekonomi globale që duket se po e bëhet më e ndjeshme.

Themeluesi i LVMH, ofertat e të cilit përfshijnë çanta dore “Louis Vuitton”, “Moet & Chandon Champagne” dhe veshjet “Christian Dior” – kishte parë “fryrje” të pasurisë së tij për pjesën më të madhe të vitit 2023, kur çmimet e aksioneve të kompanive luksoze evropiane u rritën.