Tregtia globale e çokollatës, me vlerë më shumë se 1 trilion dollarë në vit, po çon në shpyllëzim të gjerë në Bregun e Fildishtë dhe Ganë.

Uria e botës për çokollatë është shkaku kryesor i shkatërrimit të pyjeve të mbrojtura në Afrikën perëndimore, thonë shkencëtarët.

Sipas një studimi, hartat satelitore të Bregut të Fildishtë dhe Ganës treguan se një pjesë e pyjeve dikur të dendur ishin bërë plantacione kakao që nga viti 2000.

Studimi zbuloi se prodhimi i kakaos ishte i lidhur me 360,000 nga një total prej 962,000 hektarësh (37.4%) të shpyllëzimit që nga viti 2000 të zonave të mbrojtura në Bregun e Fildishtë, dhe 26,000 nga një total prej 193,000 hektarësh (13,5%) të shpyllëzimeve të ngjashme në pyll.

Tregtia globale e çokollatës vlerësohej të ishte më shumë se një trilion dollarë vitin e kaluar. Kakaoja, përbërësi më i rëndësishëm i saj, prodhohet nga fara e pemës tropikale të kakaos Theobroma. Është vendase në Amerikën e Jugut, por shumica tani prodhohet në Afrikë, me Bregun e Fildishtë dhe Ganë që përbëjnë dy të tretat e prodhimit.

Rreth 2 milionë fermerë në Afrikën perëndimore, që kanë ferma me një mesatare prej vetëm tre deri në katër hektarë secila, mbështeten te kakao për të ardhurat e tyre – zakonisht më pak se 1 dollarë në ditë. Ata furnizojnë një rrjet kompleks ndërmjetësuesish, duke përfshirë kompani publike dhe private, të cilat i lidhin me tregun botëror, duke e bërë zinxhirin e furnizimit të errët.

Kjo mbajtje në terr e tyre e ka bërë prodhimin e kakaos një parajsë për shkeljet e të drejtave të njeriut dhe çokollata ka qenë prej kohësh e lidhur me skllavërinë. Por hulumtimi i fundit e lidh gjithashtu ushqimin e këndshëm e krizat e klimës dhe të biodiversitetit që rrezikojnë shkatërrimin katastrofik të biosferës së planetit.