Sulmet e Rusisë gjatë natës në Ukrainë "e sjellin Moskën më afër" "dështimit dhe ndëshkimit", tha presidenti ukrainas Volodymyr Zelensky këtë mëngjes dhe i bëri thirrje botës të "përgjigjet".

“Çdo sulm, çdo akt i egër kundër vendit tonë dhe popullit tonë e sjell shtetin terrorist më pranë dështimit dhe ndëshkimit ”, pohoi Zelensky përmes platformës Telegram. 

“Terrorizmi rus duhet të marrë një përgjigje të drejtë nga Ukraina dhe bota. Dhe kjo do të ndodhë”, premtoi ai.

Forcat Ajrore të Ukrainës njoftuan se gjatë natës rrëzuan 21 raketa lundrimi dhe dy drone gjatë një sulmi të ri vdekjeprurës rus në Kiev dhe qytete të tjera në vend.

“Forcat e mbrojtjes shkatërruan 21 raketa lundrimi X-101/X-555 nga gjithsej 23, si dhe dy dronë”, tha Forcat Ajrore të Ukrainës.

Zyrtarët ukrainas thanë gjithashtu se sulmet ruse në infrastrukturën civile në orët e hershme të mëngjesit të sotëm në Ukrainë vranë dhe plagosën njerëz, përfshirë në një kompleks banimi.

Një ndërtesë shumëkatëshe në qytetin qendror të Ukrainës, Uman, u dëmtua rëndë nga përplasja. 

Video tregon flakë dhe tym që del nga ndërtesa. Të paktën tre persona u vranë dhe tetë u plagosën në sulmin në Uman, thanë autoritetet rajonale të Cherkasy.

Në qytetin e Dnipro, një grua dhe vajza e saj e vogël u vranë në granatimet gjatë natës që goditën zonat e banuara, tha kryebashkiaku Boris Filatov.

This morning, Russian invaders hit the city of #Uman with cruise missiles. Three people were killed and eight were injured. pic.twitter.com/21YsknYMwe

— NEXTA (@nexta_tv) April 28, 2023