FBI ka akuzuar Korenë e Veriut për vjedhjen e 100 milionë dollarëve në kriptomonedhë, gjatë  vitit të kaluar nga një firmë bazë në Kaliforni.

Sipas FBI-së, operativët e Koresë së Veriut këtë muaj kanë pastruar mbi 60 milionë dollarë nga paratë e vjedhura në hakimin e qershorit të 2022. Byroja tha se ‘një pjesë’ e 60 mln dollarëve ishte ngrirë, por nuk specifikoi se sa.

Zyrtarët amerikanë janë shqetësuar se Peniani do të përdorë paratë për të financuar programin e tij të paligjshëm të armëve bërthamore dhe balistike. Hakerët e Koresë së Veriut kanë vjedhur ekuivalentin e miliarda dollarëve në vitet e fundit duke bastisur shkëmbimet e kriptomonedhave, sipas Kombeve të Bashkuara.

Përveç hakerimit të firmave të kriptomonedhave, koreano-veriorët e dyshuar janë paraqitur si kombësi të tjera për të aplikuar për punë në firma të tilla dhe për të dërguar para në Penian, kanë paralajmëruar publikisht agjencitë amerikane.