Plani i Rusisë për të vendosur armë bërthamore në Bjellorusi tregon se bisedimet midis presidentit rus Vladimir Putin dhe homologut të tij kinez Xi Jinping në fillim të këtij muaji dështuan, tha të premten Presidenti ukrainas Volodymyr Zelensky.

Ndonëse Kina u përpoq të luante rolin e ndërmjetësës së paqes midis Rusisë dhe Ukrainës takimet midis dy liderëve nuk sollën një përparim domethënës në zgjidhjen e konfliktit.

“Sinjali se Rusia dëshiron të vendosë armët e saj bërthamore në Bjellorusi më thotë se takimi me Kinën ishte i pasuksesshëm, ai dështoi,” u tha Zelensky gazetarëve gjatë një vizite në Bucha.