Policia në Hannover tani po heton drejtorin e Operës së Shtetit për sulm, pasi thuhet se ai iu përgjigj një artikulli në gazetë duke hedhur jashtëqitje qeni në fytyrën e kritikes.

Teatri shtetëror i operës së Hanoverit kërkoi falje për incidentin dhe tha të hënën se e pezullonte drejtorin e baletit Marco Goecke me efekt të menjëhershëm.

E përditshmja “Frankfurter Allgemeine Zeitung” raportoi se Marco Goecke i tërbuar iu afrua kritikes së baletit, Wiebke Huester, gjatë intervalit të një premiere në sallën e operës së Hanoverit të shtunën dhe e pyeti se çfarë po bënte ajo atje. Thuhet se të dy nuk e njihnin njëri-tjetrin personalisht.

Gazeta tha se Marco Goecke, i cili me sa duket u ndje i provokuar nga një artikull i kohëve të fundit që ajo shkroi për një produksion që ai organizoi në selinë e qeverisë holandeze, Hagë, e kërcënoi se do ta ndalonte atë të ndiqte baletin dhe e akuzoi si shkaktare që njerëzit të anulonin biletat e sezonit në Hannover.

Ai më pas nxori një qese letre me jashtëqitje kafshësh dhe ia leu fytyrën me të përpara se të dilte nga  holli i mbushur plot i teatrit.

Sipas agjencisë gjermane të lajmeve, DPA, Ëiebke Huester e identifikoi substancën si jashtëqitje qeni dhe tha se kishte ngritur një kallëzim penal.

Në një deklaratë në faqen e saj të internetit, shtëpia e operës tha se "integriteti personal" i Ëiebke Huester ishte shkelur "në një mënyrë të papërshkrueshme".

Shtëpia e operës tha se "reagimi impulsiv" i Marco Goecke shkeli rregullat bazë të teatrit dhe se "ai i shkaktoi dëme masive Operës Shtetërore të Hanoverit dhe Baletit Shtetëror". Si rezultat, thuhet në të, ai është pezulluar dhe ndaluar nga teatri i operës deri në një njoftim të dytë.

Krimi dhe dënimi

Goecke i është dhënë ditët e ardhshme për të kërkuar falje "gjithëpërfshirëse" dhe për t'u mbrojtur para drejtuesve të teatrit "para se të shpallen hapat e mëtejshëm", shtoi ai.

Megjithatë, drejtori i baletit u shfaq të paktën pjesërisht i papenduar. Në një intervistë me transmetuesin publik NDR, Goecke pranoi se "zgjedhja e mjeteve që përdori nuk ishte super, absolutisht".

“Sigurisht që edhe nga pikëpamja shoqërore sigurisht që nuk njihet apo respektohet kur dikush përdor mjete të tilla”, tha ai për sulmin, duke shtuar se ai kurrë nuk kishte bërë diçka të tillë më parë dhe ishte “pak i tronditur nga vetja”.

Goecke tha se ndërsa puna e tij "që ndotej për vite me radhë", një çmim që i ishte thënë se duhej të paguante për të qenë në sy të publikut, kishte ama një kufi.

“Pasi është arritur një pikë e caktuar, nuk jam dakord,” tha ai.

Shoqata gjermane e gazetarëve DJV denoncoi sulmin.

"Një artist duhet të tolerojë kritikën, edhe nëse duket e ekzagjeruar," tha kreu rajonal i sindikatës në shtetin e Saksonisë së Ulët, Frank Rieger. “Kushdo që reagon dhunshëm ndaj kritikave është i papranueshëm. Sulmi ndaj gazetarit është gjithashtu një sulm ndaj lirisë së shtypit.”